Pyaar

Wo pyaar karta hai tumse aur tum bhi mar mitati ho uspe
Lekin dunia ko kya
Wo jaan chidhakta hai tumpe aur tum bhi behadd chahti ho usko
Lekin dunia ko kya
Hatho mein haath thaame wo chalna chahta hai tumhare sath
Milo ke safar ko tay karna chahta hai tumhre sath
Har mod pe tumko rakhna chahta hai apne sath
Wo chorna nahi chahta kisi bhi haal mein tumhra hath
Par dunia ko kya
Tumne hazaaro aansu baha diye, tumne ro ro ke pal guzaar diye,
Tumne sisak kar sihar kar na jaane kaise lamhe kaat diye
Tum bhi toh chorna nhi chahti kisi bhi haal mein uska haath
Par dunia ko kya
Akele baith kar bas yahi soch kar ki kaash tum hoti uske pass
Wo karta rahta hai apne aap se baat
Andhero mein tumhe talaash kar apne aas paas hone ka ehsaas kar
Wo samjha leta hai khud ko ki chorna nahi hai tumhe paane ki aas ko
Chalte phirte sote jaagte wo khoya sa rahta hai tumhre khayal mein kahi
Aate jaate padne wale har raaste pe wo dhundhta rahta hai tumko ki mil jao shayad kahi
Tadap hai talab hai bas tumhari hi ussey ki jeene ka koi Matlab nahi tumhre bina uske liye
Par dunia ko kya
Akele baith kar sochti rahti ho tum bhi uske baare mein hi
Din ho ya raat ho tum bhi sapne sanjona chahti ho uske sath hi
Tumne dhadkan se le ke saanso tak mein yaha tak ki apni rago mein bhi usko basa liya hai abhi
Beete Palo ko yaad kar ke ho jaana chahti ho uski hamesha ke liye hi
Kahani ko apni adhura chorna chahti hi nahi kbhi Isiliye toh uske naam ka sinduur lagana chahti ho tum bhi
Intezaar hai pyaas hai uski hi tumhe haan bekaraar hai dil tumhra bhi  uske hi liye
Par dunia ko kya
Dunia samjh hi paati agar do pyaar karne walo ko kabhi
Toh laila majnu, Romeo Juliet bhi sath hote kahaniyo mein sabhi
Ye soch soch kar tasalli na dena na Lena kbhi
Kahaniyo mein adhure pyaar ko pura karna hai tum dono ko hi
Ab haath pakad ke ek dusre ka badha lo kadam bas abhi
Apne pyaar se dunia ko dikha do tum dono hi
Wo mar jae tumhare bina ussey pehle hi jao tum abhi
Daud kar ussey pakad ko ussey jakad lo ussey kas kar thaam lo apni baaho mein hi dunia bana do uski abhi
Apne pyaar ki kahani ko pura kar daalo abhi
Jeet lo dunia ko apne pyaar ki taaqat se hi aur dikha do yaar
Ye pyaar hai koi mazak nahi
Ye mazboot ki koi halki daal nahi
Ye mera hai ispe koi shaq hi nahi
Ye pyaar hai hamara, hamari zindagi hai yahi......!!!!!!

-ANCHAL NITISH BHARDWAJ