Do panchi

"TWO LOVE BIRDS"

Khule aasman ke niiche
Baithe do panchi aankhein miiche
Har pal unke fiike fiike
Fir bhi pyaar ko hardam siinche

Aankhon mein aansu le kr
Dhoondh rahe aane wala kal
Ek-dusre ke ban kar
Kaat rahe sangharsh ke pal
Pinjare bhi dono ke alag-alag
Jeevan bhi hai uthal puthal
Fir bhi dhaandhas baandh kr
Lad rahe apne bal par

Khule aasman ke niiche
Baithe do panchi aankhein miiche
Har pal unke fiike fiike
Fir bhi pyaar ko hardam siinche

Pankhon mein apne taakat le kar
Khangaal rahe aas wale pal
Ek dusre k bankar
Baant rahe dukho k pal
Jism bhi dono k alag-alag
Saansein bhi jaye sihar sihar
Fir bhi ek sparsh kr paane ka sochkr
Fadfadaaye jaaye apne par

Khule aasman ke niiche
Baithe do panchi aankhein miiche
Har pal unke fiike fiike
Fir bhi pyaar ko hardam siinche

Man mein saahas va aasha le kar
Buntey hai sapno ka kal
Ek dusre ka bankar
Chaant rahe khushiyo k pal
Kaid hai dono alag-alag
Dharti bhi ab toh kaanpe thar thar
Saal beete, beete mausam
Pinjaro mein bhi lag gai ab Jung
Fir bhi sath hone ki hodd mein
Cheekh rahe... Ishwar bas kar!
Cheekh rahe ishwar bas kar....!!

Khule aasman ke niiche
Baithe do panchi aankhein miiche
Har pal unke fiike fiike
Fir bhi pyaar ko hardam siinche...!!

A POEM BY:

ANCHAL SRIVASTAVA