Poem on Women

aurat hu mai
kbhi karuna bhari surat,
kbhi mamta ki murat hu mai
Haan.. Ek aurat hu mai!

Jo bhi milte hai dard
rakh leti hu sahej kar
jo bhi milte hai ghum
sambhal leti hu samet kar
jo bhi milti hai khushiya
baat leti hu sbse has kar
jo bhi milte hai pal sukoon ke
saja leti hu unko thora theher kar
Bina ruke, bina thame
Bina mudey, bina girey
sambhal kar, toh kbhi phisal kar
nikhar kar toh kbhi bikhar kar
savaarti hu apna ghar
taraashti hu apna aangan
Mamta k aanchal se
dulaar aur pyaar kar
bachho ki khushiyo ka
hamesha bhut khyal kar
Maang ke sinduur se
aur 16 shringaar kar
pati ke usuulo ko
hamesha sweekar kar
Rasoyi me apne haatho se
56 pakwan taiyyar kar
Swaad aur mithaas ka
hamesha achhe se dhyan kar
banati hu apna swarg
sabse sundar sabse hatkar
jo bhi milte hai dukh
bhula deti hu sukho ko yaad kar
jo bhi milte hai lafz apmaan ke
sweekarti hu pyaar se
jo bhi milte hai pal samman ke
khush ho leti hu apni parvarish pe
jo bhi milta hai samay khud ke liye
sajon leti hu khwaab apno k liye
bina soche bina samjhey
bina jhuke bina sune
thora muskura kar, thora narm dil kar
thora ehsaas kar, thora bado ka lihaaz kar
bas lagi rahti hu apne kaamo mein
sapno ko sabke pura karne mein
saadgi ke dhang se
rishton ko baandh kar
achhaiyon ke rang se
tyohaaro mein ronak laga kar
zubaan ke meethey bol se
sabke dilo ko jeet kar
apni naadaniyo se
has kar phir se seekh kar
4 kaam pure kar
aur 4 chakkar daud kar
sabke man ki baato ka
soch vichaar vivash kar
aage kadam badhati hu
phir ghar ko apne aangan ko
khushiyo se bharna chahti hu
thak kar thora sisak kar phir se
ek aurat k farz nibhati hu

kyuki ek aurat hu mai
kbhi sabki zarurat kabhi murakh hu mai
par devi ke 9 roop hu mai
maa ka apne gaurav hu mai
pita ke apne abhimaan hu mai
bahut mazboot bahut sajak hu mai
garv hai mujhko ki ek aurat hu mai
haan ek aurat hu mai!

-ANCHAL NITISH BHARDWAJ